影pre-wedding之前，我和E先生(算是)已溝通好，我們要什麼及不要什麼，然後按這個方向去找尋我們想要的風格的攝影公司和Reference照片給攝影師看。
我想要的風格是… 是什麼呢﹖ 不知道該如何形容，只知道不要「兩手做心形」，「跳起」，「咀咀」什麼的甜～到漏，甜到有點眼冤的那一種。
很甜不是不好，只是「甜」也有很多種演繹方式，我的衣服是要浮誇沒錯，但態度和效果還是要含蓄一點才是「我」。
而E先生要的，是較像時裝雜誌的風格。
即係一個字 - 「型」，但又要型得來自然。(唔… 我覺得是好難既呢…)(攝影師看見我們的reference之後話︰「吓﹖ 要玩自然丫﹖」)
基本上，E先生要的，也(算)是外在要浮誇，表現要含蓄咁上下啦…
大方向我們可說是一致的，不過就算是同一個方向，男與女的看法也很不同。
所以，這方面如果大家都「有要求」的話，真的要花時間去溝通一下丫～
我都非常抗拒「雙手心形」呢個所謂招牌動作囉…
ReplyDelete老實講，我點都唔覺得浪漫同sweet，只覺得，好骨痺…
聽完妳講，我都係時候同我果個傾吓喇~
((獅頭貓貓))
ReplyDelete唔…我而家發現呢…如果樣樣都要做足，樣樣都要按自己要求做到最好的話呢，應該要三年前就好開始搞咯～
我講真架… 隨時淨係婚紗都要搞一年丫… 首先要先「睇」，然後「試」，邊試邊睇，到搵到喜歡個件都唔知係幾耐之後咯～(而且睇睇下，我有衝動自己造一條添～但係是沒有可能的。我並非７手８臂～）
又要搞佈置，又要搞化妝，髲型，淨係自己個身都有排搞，仲有小禮物影相註冊餅咭戒指頭飾花球請帖高跟鞋見家長… 跟住又要搵場地，場地又要book架嘛，大場靚場熱門場又可能要一兩年前book定，咁book之前又要花時間睇，三年差不多架喇～
除非好似我咁無咩耐性，而且係細搞的話，一年都搞到既～好趕好趕咁～
我仲已經唔洗搞「上頭出門花車兄弟姊妹伴娘伴朗開門利是玩遊戲」等等個d架喇… 真係追到索～晒氣丫…