:: 婚前の混沌 vs 婚後の混沌 ::

婚禮於12月11日舉行，我整個人由12月6日開始進入混沌狀態。
何謂混沌狀態呢﹖
嗯…簡單來說，就是一舊飯咁囉～
講完咩﹖ 唔記得。
做過咩﹖ 唔記得。
要做咩﹖ 唔記得。
唯一記得既就只有婚禮婚禮婚禮婚禮婚禮…
要記住帶尼樣，要記全帶個樣，要做好尼樣，要記住咁樣，要搞左尼d先，又要搞左個d先…
成個腦不停地在運作中。


E先生說我太緊張。
我其實真的不覺得這是「緊張」的感覺。
只不過是… 爆熗鼻敏感眼感敏牙肉腫胃氣漲手心冒汗心浮氣燥…
嗯…有點內分沁失調之嘛～
呵呵)))

結婚那天早上還很悠閒地去吃早餐，當我一坐下，喝一口暖水…
嗯… 我就在想︰我頭先究竟有無擦牙呢﹖
我是有去到洗手間，有站在鏡子前面…
但究竟有無擦牙呢﹖
咁之後做過咩呢﹖
完全想不起來﹖﹖﹖

婚禮進行中，E先生要我幫他打bow tie。
其實那天早上都已經在家練習過，但我完全沒有辦法打到。
本來我是懂得如何打的丫﹖﹖﹖
但那一刻就是打不到。
站在我身後的E先生姨姨說︰「其實我也會打的。」
那就由她代勞了。
不過，她一邊打一邊笑說︰「唏！未打蝴蝶結咁打之嘛！」
E先生心想︰「阿姨，你係咪真係打到架﹖」

***

結婚兩天後，到銀行去入禮卷，看著入票機半天，都不知道怎樣用。(但平時係識用架…)
總之，後來入入下，發現入錯金額之後，我就呆掉了。(沒有按制也沒有動作。)
突然後面的男人跟我說︰「佢問你print唔print紀錄，print，就禁print，唔print，就禁唔print。」(好白痴囉我～)
我才發現後面不知何時已有一條長長的人龍，都在看著我。
但依然處於混沌狀態之中的我，還是呆了好一陣子，過了一會才問那個男人︰「但，金額不對啊﹖」
那個男人說︰「你剛才其實應該一次過把所有票都放入才對。」(還好遇上了平易近人的人～情境倒轉，我一定「港女」上身，黑面好耐lu～哈哈～)
然後，我慢動作地完成了第一張票後，呆站入票機前，不知所措。
那個男人又開聲了︰「你之後個d一張一張入吧！」
「哦…」
但部機就係唔吞我張票，所以一張都入好耐…
連旁邊個promoter都忍無可忍︰「要貼住一邊入架…」

「哦…」

「係喎…」

都入完了，我回頭說聲謝謝就走了。
但人依然混沌中。

難怪結完婚要即刻去honey moon…因為根本咩都聽唔入耳～