看看倒數計時器，轉個頭只剩7個多月了～
我除了訂了地方，訂了律師，也訂了拍婚照以外，什麼都未準備。
人數未定，婚紗未訂，花球未搞，化妝未試，肥都未減…
本來諗住可以自己話晒事會少好多嘢搞，原來少極都仲有好多嘢要搞～
反而D9唔搭8唔多緊要既DIY嘢我竟然又完成一件！(因為個件嘢我未知係咩既時候巳好想做，而家知道係結婚用既嘢當然就手痕非常即刻做！)
仲打算落手開始做另一件！
係咪應該要搞番正D次序，做左D應該要做既嘢先呢﹖
BTW，雖然我有做瑜珈，但並不代表我有減肥…
反而E先生無啦啦瘦左半個碼！﹖(不過佢堅持佢無減肥。吹水～)
我唔可以肥過佢架～唔得～唔得丫～
難怪有說，結婚係消耗心機同時間ge事啦~
ReplyDelete不過，如果真係妳就要再加快決定其他野先得喇~
事關，快活不知時日過架~>w<
之於減肥，d經驗人仕話當將d準備功夫做得8899時，新娘子就會瘦架喇~
我反而覺得，試妝同揀衫要用最多時間，因為一生人一次梗要令爆全場嘛！
((獅頭貓貓))
ReplyDelete我覺得係同時間競賽~要係限定時間同筆直之內發揮最大小宇宙做最多可以做到而又一定要最好的事~之但係事情往往又不是能夠在計算之內~盡力啦~take it easy同enjoy最緊要~哈哈~
唔想肥過 E 先生<<< 咁叫佢增肥咪得囉~ 唔洗減得咁辛苦 :P
ReplyDelete((JC))
ReplyDelete呵呵~ 又係喎~ 叫佢増肥先~