問︰爭咩呢﹖
答︰咩都爭。
事件一
物件︰扶手
正當準師奶(即係我)，輕輕靠著扶手時，在樓上下來，來勢兇兇的師奶A一拳就打落準師奶(即係我)身上 - 雖然其實師奶A只不過是想扶住扶手而已，但係太強既氣勁，要收也收不回，不經意地央及站在旁邊無辜既準師奶(即係我)喇。
但作為一個唔好老皮既現代人兼準師奶(即係我)亦不甘示弱，隨即駛出「啤爆鏡神功」回敬師奶A既「不經意の拳」。
好可惜，巴士剛好到站了，師奶A又進入了另一場「鬥快落車の賽事」之中，準師奶(即係我)既「啤爆鏡神功」無人承接，唯有硬生生地轉移啤玻璃窗好了。
不過因為窒左一窒，玻璃窗無爆到囉。
假如準師奶(即係我)條麻甩佬(即係E先生)係現場的話，應該就會無啦啦比準師奶(即係我)用「啤爆鏡神功」怒啤喇。
成為此扶手事件既「無辜受啤者」。
補充︰因為人多，準師奶(即係我)係企係扶手附近，並不是挨住扶手企丫下！
事件二︰
物件︰剛空出來的巴士坐位
巴士於多人下車的巴士站停低，準師奶(即係我)和師奶B都站在門口的扶手旁邊，打算等待其他乘客下車後衝到「河的另一邊」霸佔最有利的坐位。
但天生急性子的準師奶(即係我)，見人流開始疏落，也為免防礙後面其他乘客下車，就不顧一切向「河的另一邊」衝過去了。
說時遲那時快！原來旁邊的師奶B一直都採取「敵不動，我不動」の戰術！當準師奶(即係我)，打算大步邁進之時，師奶B企圖把準師奶(即係我)的肩膀壓下去，打算來個「反超前」！
不過，準師奶(即係我)，也絕不是一盞省油既燈！天生靈活既動作，加上「遇強愈強」既鬥志，輕而易舉地以「四兩撥千斤」の勢把師奶B的戰術全盤瓦解，順利地得到了一個靠窗的坐位，悠然自得地坐了大拿拿 - 兩 - 個 - 站！
好無聊哩﹖呵呵～
香港人既運動量，日日都係咁上下架咋～
唔知搞左個運動會之後會唔會突然多D時間做運動呢﹖
No comments:
Post a Comment